Penguji dalam pengidup

Today blogging gonna using my dialect in Iban. 

Randau sari tok ba ruang blog aku pasal utai ke nyadi ba sesetengah mensia ke enda nemu puas ati meda penyenang orang bukai. Tiap ari ktai ninga leka randau bala orang besebut utai ke manah serta utai ti jaik. Tang ke suah gik, utai ke jaik nyak meh ke deka ndar di sebut bala ktai sebelah orang bukai. Aku eran..cukup eran.. sida tok bisi ati deka besebut utai ke ngasuh orang belaya pangan diri tang sida ia empu enda nemu diri pengidup sida enda gak manah ni sampai ka besebut ke bala orang bukai. Nama hasil ari bejaik orang kin kiak?

Nyak meh pengawa bala kitai ke maya ari tok. Enda tau meda bala bukai idup senang bisi keresa mimit. Alu betusui kin kiak. Kada bisi merati ke pengidup diri enda orang baka tok neh... Ukai aku ka besebut penyaik orang, tang utai tok nyadi ba kami sebilik. Aku tau eran nama ke buah bala aku empu tau endar ringat serta kepapas meda pengidup kami sebilik. Keresa enda gak baka keresa orang ke bisi rumah besai, tanah berbelas gran, emas penuh kantung. Makai pan berlauk ke sadin gak. Enda meh kami tok kala minta duit minta tupi sida ya. Cukup eran aku meda mensia jenis baka tok keran amat ka ngelabuh ke kami sebilik. Nama meh penyalah kami sebilik sampai kami tok enggai di peda sida ya? 

Aya, ibuk, aki, inek, anang kelalu amat kitak berjaik kami sebilik tok. Kitai bisi Petara merati ke pengidup mensia siko2. Enggai ke 'tulah' nyak tau ninggang pengidup kitak. Ukai nyumpah tok aya, ibuk, aki, inek. Tang tok di kumbai orang 'KARMA'. Utai ke jaik tau nyadi ba kitai enti kitai bangat ka endar bejaik ke orang bukai. Ari bejaik ke orang bukai, manah gik mulut serta hati nyak minta pengampun ari Petara. Besampi ngampun ke dosa serta minta berkat ari Ia. Laban kitai mensia tok nama seput udah nadai, sigi tanah meh tuju kitai. Sigi pulai ngagai Petara baru. Nyak meh kitai anang kelalu berabis ati bejaik pangan diri. 

Nasib siko2 mensia enda sebaka. Bisi ke tusah diatu, bisi ke senang belama, bisi ke bulih keresa bejuta-juta, bisi ke meragai ngidup ke diri. Nyak semua Petara ke nusun pejalai pengidup kitai. Tang enti nadai usaha (munyi ko laut), utai sigi nadai nyadi keresa. Tok siti utai ka di sebut aku ditu. Idup nipu reta orang sigi enda tau di kerja ke kitai mensia. Uji ngasai ba diri empu enti diri empu kena tipu orang bukai serta kena penusah baka orang bukai. Sapa endur kitak bepalik? Aku enda munyi kitak bejaik kitak, anak, ucu, icit kitak bedau temu ulu ili. Baka nyak meh anak ucu icit aku ila. Nyak ke buah aku sigi enda ka bejaik orang baka munyi mulut serta hati kitak. Laban nangi ke 'karma'. Laban kitai mensia enda selama ya senang serta enda selama ya tusah. 

Aku bisi pengidup aku empu, aku enda ngacau pengidup orang bukai. Aku enda minta tupi orang bukai laban aku bisi laki nupi aku. Kami sebilik enda minta tupi orang luar laban kami sebilik bela betulung pangan diri. Jadi kitak ke enda puas hati enggau pengidup kami diatu, anang kelalu kepapas ka ngenyaik kami sebilik. Aku besampi ngagai Tuhan, ngampun ke penyalah kitak serta bsampi ngarap Tuhan meri penerang dalam pengidup kitak. Amen.

What's comes around will goes around.

xoxo